Arkeologia Ikertzaile Gazteen Jardunaldiak (AIG) ekitaldi zientifikoak dira
eta bere helburua eztabaida eta kontaktua sustatzeaz gain, arkeologian lan
egiten duten baina oraindik doktore-tesia irakurri ez duten pertsonen arteko
ikerkuntza azaleratzea da. Beraz, Arkeologiaren inguruko eztabaida AIGen ardatz
ideologiko eta egiturazkoa da, 2009an idatzitako Dekalogoan adierazten den
bezala.
Lehenengo jardunaldiak Madrilen 2008. urtean garatu ziren. Arrakasta
handikoak izan ziren eragin eta
eztabaida gunea izan zirelako Iberiar Penintsulan diziplina honetan lan egiten
dutenentzat. Lehen topaketa hartatik proiektu ibiltaria izan da, AIGk urteroko
jarraitasuna izan baitu hurrengo lekuetan: Madril (2009), Bartzelona
(2010), Faro (2011), Santiago (2012) eta Bartzelona
(2013). Hauek guztiek harrera handia izan zuten eta ekitaldi mota hauek
gazte-ikerkuntza arkeologikorako duten garrantziaren erakusgarri dira.
Gaur egun, AIGk eztabaida zabaleko formatu duen Arkeologiako gazte
ikertzaileengandik sortutako eta talde honetara zuzendutako batzar zientifiko proposamen
bakarra da. Honek, eduki zientifikoa ez ezik, Iberiar Penintsulan eta beste
eskualdeetan burutzen diren ikerketen heziketa eta elkarrekiko ezaguera ere sustatzen
du. Hain zuzen, proposamenaren oinarri nagusiak hiru dira. Lehenik eta behin,
eztabaida bultzatzen eta sustatzen duen formatua. Bigarrenik, iritzi eta ideien
trukea eta azkenik, parte-hartzeko murrizketak, beste jarduera zientifiko
batzuetatik kanpo geratzen diren taldeen aurkezpenak eta sarbidea erraztuz.
Beraz, AIGk, espazio bikoitza irudikatzen du. Alde batetik, gure ikerkuntza
(gazteen) aurkezpena, eztabaida eta hedapena ahalbidetzen duen espazio
zientifikoa da, bere kalitate zientifikoa bultzatzeko asmoz. Bestetik, ziurtzat
ematen dena, erraz eta “naturala” dirudiena, zalantzan jartzeko, kritikatzeko,
desegin eta desnaturalizatzeko eta, ordea, parametro konplexu eta
erabakigarripean eraikitzen dituen gunea da. Horregatik, orain, inoiz baino
gehiago, zentzu honetako kritika bat beharrezkoa dela uste dugu, Arkeologiak,
giza zientzia den heinean, gizarte erantzunak eskaini ditzan. 2014an
Vitoria-Gasteizen ospatuko diren AIGk , gune bikoitz hau irmoki irudika eta
errespetatu dezaten nahi dugu.
Hortaz, bai Arkeogazte eta bai
Vitoria-Gazteiz, VII. Arkeologia Ikertzaile Gazteen Jardunaldietarako anfitrioi
duin batzuk izan daitezela espero dugu.
No hay comentarios:
Publicar un comentario