Gaur egun Arkeologian indarrean dagoen diskurtso komuna, diziplina beraren
krisi egoeraren aitorpena da, mendebaldeko kapitalismoa bizi duen krisi
ekonomiko era sozialarekin batera (GONZALEZ RUIBAL, 2012; HERNANDO, 2012). Gogoratu
behar dugu, Arkeologiari egindako kritika hauek, bai arlo teorikoan bai
epistemologikoan, jarraiak izan direla posmodernismotik eta posprozesualismoko
lehenengo momentuetatik, hau da, 80ko
hamarkadako azken urteotan (FERNANDEZ MARTINEZ, 2006; HODDER, 1998; ROSENAU,
1992; SHANKS eta TILLEY, 1992). Pasa den urteko Bartzelonako AIG-etan (eta
beste urteetan ere) hausnartzeko aukera izan genuen bezala, Arkeologian benetan
krisian dagoena bere materialen eta profesionalen egoera da. Arkeologia,
krisiaren ondorioak bereziki gogor jasan dituen sektorea da, batez ere,
lanpostuen suntsiketa eta prekarizazioaren ondorioz, bai sektore komertzialean
(MOYA MALENO, 2010; PARGA-DANS, 2010) baita instituzio akademiko eta sozialetan
ere (unibertsitatetan, Ikerkuntzako Organismo Publikoak, edota museotan). Hortaz,
argi dago Arkeologian eta bere arlo guztietan krisi sakona dagoela, diziplina
bera aldatu eta deuseztatzeko mehatxupean dagoelarik.
Horregatik uste dugu, aurrerapauso garrantzitsua
eman behar dugula, eta erreakziotik ekintzara, hausnarketatik proposamenera
pasa behar garela. Hori dela eta, Vitoria-Gasteizen ospatuko diren VII. AIG-en
leloa “GIZARTE ARKEOLOGIA, ARKEOLOGIA
GIZARTEAN” izango da. Kongresu eta gogoeta-eremu honen proposamena bi helburu nagusi ditu. Alde
batetik, Arkeologiak “erregistro
arkeologikotik abiatuz, errealitatearen eraikuntza eragiten duten prozesu
sozialen barnean kultura materialaren integrazioa” (CRIADO BOADO, 2012)
bilatzen du. Beraz, helburuaren funtsa, baldintza sozialetan materialtasunaren
interpretazioaren inguruko hausnarketa izango litzateke, deskribapen eta
empirismo bakunetik aldenduz (gure diziplinan nagusi direnak), nahiz eta gero
eta erantzun gehiago dituzten arren (GONZALEZ RUIBAL, 2012, JOHNSON, 2010 2º
ed). Kultura materiala ekoiztu zuen bere gizartearekin lotzearen ideia,
Arkeologian hausnarketarako ohiko gaia izan da “bere (lehenengo) bakuntasuna
galdu zuenetik” (CLARKE, 1973). Ideia hau betidanik egon da eskola arkeologiko
guztietan, prozesualismotik arkeologia simetriko garaikideenetara arte, eta
eremu politikoetatik urrutien daudenetik, konpromesu politikoetara hurbilen
daudenetara arte, Arkeologia Feminista, Arkeologia Poskoloniala eta Arkeologia
Marxista bezala. Hortaz, zera proposatzen da, Arkeologiaren helburua zer den (edo zer izan beharko den) buruzko
diskurtso eta eztabaidak eratzea, hau da, identitateen eta desberdintasunen
eraikuntzaren prozesu sozialen ulermena, deskribapena eta interpretazioa
materialtasunaren bitartez, edo, beste modu batera esanda, Arkeo-logia egitea,
gaur egungo eta iraganeko gizarteen
interpretazioaren mugak hedatuz (CRIADO BOADO, 2012; HERNANDO, 2012).
Bestetik, AIG-en beste helburua, diren edota izan daitekeen Arkeologia eta
gizartearen arteko loturen analisia eta garapena izango da, alderdi
instrumental eta praktikoetatik ikusita. Bizi dugun krisi testuinguru honetan,
badirudi, Arkeologia eta giza zientziak orokorrean, geroz eta “alferrikako”
lana direla etekin eta aldaketa baldintzetan. Horregatik, geure lekua
zientifiko sozialak bezala sendotzea proposatzen dugu. Hau da, era orokorrean
giza zientziak eta modu berezian Arkeologia, defendatzea. Batez ere,
Arkeologiak ikuspuntu propioa eman dezakeelako gaur egungo ardura sozialeko
gaiei, ondarearen, materialtasunaren eta gaur egungo gizarteen erabilera-balio
handiagoa sortuz. Hortaz, geure buruaren gogoeta-ariketa egitea eta iragana
ikertzeko daukagun molde irmoak haustea beharrezkoa da eta Arkeologiaren eremu
guztietan gune soziala aldarrikatu beharra dago, bai Arkeologia Publikoan,
Ondarearen kudeaketan, Memoria Historikoaren berreskuratzean edota erakunde-
eta politika-eremuetan.
Bi ardatz nagusi hauek, materialtasunaren ikerketa soziala, eta Arkeologia
eta gizartearen arteko loturak, eztabaidarako aukera anitzak eskaintzen ditu,
eta, era berean, benetako praxis
arkeologikoa eratzen dute. Honela, krisiaren testuinguru honetan, Arkeologiaren
eta diziplina honetan lan egiten duten profesionalen partaidetza pasiboaren
ordez, konponbidearen parte-hartze aktiboa
izango dute.
Gauzak horrela, gai hauen inguruan hitz egiten duten saioak bultzatuko
dira:
- Une historiko desberdinetako kultura materialeko analisi soziala.
- Kultura materialaren analisi sozialaren inguruan proposamen metodologiko berriak.
- Kultura materialaren lotura sozialaren inguruan hausnartzen duten arlo teoriko eta kontzeptuen proposamena.
- Materialtasuna desberdintasun sozialaren, genero, adineko, eta abarreko isla bezala.
- Materialtasuna ustiapen ekonomikoaren eta banaketa desberdinaren isla bezala.
- Krisialdian, Arkeologiaren berriztapena Arkeologia Publikoaren esku.
- Arkeologia Profesionalaren eta gizartearen arteko lotura.
- Arkeologian hertsatze politiko, ekonomiko eta ideologikoak.
Espero dugu gazte ikertzaileok gai honen inguruan ikuspuntu eta proposamen
berriak gehitzea. Horregatik, AIG-ak esparru egokiak bezala aldarrikatzen
ditugu eta Vitoria-Gasteizen ospatuko diren hurrengo AIG-etan parte hartzera
animatzen zaituztegu.
CLARKE, D. (1973): "Archaeology: the loss
of inocence". Antiquity,
47 (185): 6-18.
CRIADO BOADO, F. (2012): Arqueológicas. La razón perdida.
Bellaterra. Bartzelona.
FERNÁNDEZ MARTÍNEZ, V. (2006): Una
Arqueología crítica. Ciencia, ética y política en la construcción del pasado.
Crítica. Bartzelona.
GONZÁLEZ RUIBAL, A. (2012): "Hacia
otra arqueología: diez propuestas". Complutum, 23 (2): 103-116.
HERNANDO, A. (2012): "Teoría
arqueológica y crisis social". Complutum, 23 (2): 127-145.
HODDER, I. (1988): Interpretación
en Arqueología: corrientes actuales. Crítica. Bartzelona.
JOHNSON, M. (2010 [2ª ed.]): Archaeological
Theory: an introduction. Wiley-Blackwell. Oxford.
MOYA MALENO, P.R. (2010):
"Grandezas y miserias de la arqueología de empresa en la España del siglo
XXI". Complutum (21): 9-26.
PARGA-DANS, E. (2010): "Commercial archaeology
in Spain: its growth, development, and the impact of the global economic
crisis". En SCHLANGER, N. y AITCHISON, K. (Eds.), Archaeology and the
global economic crisis. Multiple impacts, possible solutions. Culture Lab
Editions. Tervuren: 45-54.
ROSENAU, P.M. (1992): Post-modernism and the
social sciences. Princeton University Press. New Jersey.
SHANKS, M. eta TILLEY, C. (1992): Re-Constructing
Archaeology. Theory and practice. Routledge. New York.
No hay comentarios:
Publicar un comentario