2014.eko AIG-k, LEHENENGO ZIRKULARRA
Bartzelonan (UB-CSIC-ean) 2013ko maiatzean
ospatutako VI. AIG-en ondoren, Arkeogazte-k (Historiaurreko eta Garai
Historikoko Arkeologia Ikertzaile Gazteen Elkartea) txanda hartzen du eta
hurrengo Arkeologia Ikertzaile Gazteen Jardunaldiak antolatuko ditu Euskal
Herriko Unibertsitateko Letren Fakultatean (Vitoria-Gasteiz), ziur baikaude AIG-k
direla gazte ikertzaileengandik agertutako eta gazte ikertzaile hauentzat
zuzendutako proposamen ona, eztabaida zabalaren formatuarekin. Aurreko
deialdiek erakutsitako maila altua ikusita, saiatuko gara guregan utzitako
konfiantza eta itxaropenak betetzen. Zuen zain egongo gara Gasteizen 2014.eko maiatzaren 7-10ean.
Vitoria-Gasteizen ospatuko diren VII. AIG-etako
goiburua "GIZARTE ARKEOLOGIA, ARKEOLOGIA GIZARTEAN" da eta bi helburu
nagusi ditu. Alde batetik, materialtasunaren azalpena hitz sozialetan, hau
da, Arkeologia analisi tresna bezala ulertzea, bide batez, iraganeko eta gaur
egungo gizarteek ekoizten duten materialtasuna hobeto ulertaraziz. Bestaldetik,
diren edota izan daitekeen Arkeologiaren
eta gizartearen arteko azterketa eta garapena.
VI. AIG-en gai nagusia, gaur egun bizi dugun Krisia izan zen.
Testuinguru honetan, badirudi gizarte zientziak guztiz indargabetu direla
ekonomia hitzetan. Egoera horrela, gure proposamena geure lekua defendatzea
zientzialari sozialen esparrutik, eta bide batez, zientzia mota hauen defentsa
orokorra egitea, batez ere Arkeologiarena. Hortaz, defentsa ez da bakarrik ikuspuntu
estetizistetan oinarrituko (“Egiaren” bilaketa), ezta ere ekonomikoetan soilik,
(Sistemarako Arkeologiak eman ahal dituen etekin ekonomikoko onuragarriak),
baizik eta benetako behar sozialetan ere. Horretarako, ezinbestekoa da bizi
dugun idulkietatik jaistea, eta behingoz, Arkeologia eta Gizartea harremanetan
jartzea zenbait bide erabiliz, bai lan zientifikoen bidez, bai arlo
profesionalen bidez baita ere ondare eta
instituzioen bidez.
Aurrekontu hauek kontutan harturik, gai hauetara
bereziki bideratzen diren saioak bultzatuko dira:
- Une historiko desberdinetako kultura materialeko analisi soziala: Paleolitikotik iraganik berrienera, gizarteen ezaguera arkeologikoa sortzeko helburuarekin.
- Metodologia, teoria eta kontzeptu proposamen berriak kultura materialaren analisi sozialaren inguruan.
- Materialtasuna desberdintasun sozialaren, genero eta adineko desberdintasunaren; ustiapen ekonomikoko eta baliabideen banaketa desberdineko isla bezala.
- Krisialdian Arkeologiaren berriztapena Arkeologia Publikoa bezala.
- Arkeologia komertziala eta egungo egitura ekonomiko, politiko eta sozialarekiko duen erlazioa.
- Arkeologian dauden hertsatze politiko, ekonomiko eta ideologikoak, bai iraganekoak bai gaur egungokoak.
SAIOEN DEIALDIA
Lehen zirkular honekin2014ko AIG-en saioen
antolakuntzarako onarpen-baldintzak ezartzen dira eta zuen proposamen harrera
epea (2013ko abenduaren 15ean
bukatuko dena) irekitzen da. Ondoren, Arkeogazte eta AIG-etako Batzorde
Antolatzaileak saioak aukeratuko ditu eta
2014ko urtarrilean argitaratuko dituzte (bigarren zirkularrean). Hortik aurrera,
mahai-inguruetan eta jada itxuratutako saioetan integratuko diren komunikazio eta horma-irudien onarpeneko epea irekiko da. AIG-etan parte hartzeko baldintza bakarra
jardunaldien ospakizuna baino lehen Tesia irakurri gabe izatea da.
Aurreko AIG-etako bizipenak batuz, gure helburua,
eremu zientifiko-ikertzailea (gazte ikertzaileen eskutik egindako ikerketa
zientifikoek duten oinarri dibulgatiboena bultzatu) eta eztabaida (gai bereko
ideien elkartrukea, ikuspuntu desberdinetatik ikusita) batzen dituen
jardunaldiak antolatzea da. Aipatutako bi eremu hauek ez dira baztertzaileak
haien artean, hala ere, ez dira beti osagarriak. Hori dela eta, AIG-ak
ulertzeko (eta Arkeologia, orokorrean) bi modu daudela aitortu behar dugu,
bakoitzaren aspektu baikorrak bilatuz. Horregatik, Vitoria-Gasteizen ospatuko
diren VII. AIG-ek bi sail nagusitan banatuko dira: saio tradizionalak eta mahai-inguruak.
- SAIO TRADIZIONALAK:
Kultura materialaren ikerketa historiko-sozialean oinarritutako saioak izango
dira batez ere, gai eta proposamen teoriko interesagarrienak eta
berritzaileenak dituztenak aukeratzen saiatuz. Bere oinarrizko garapena banakazko
komunikazioaren aurkezpen izango da, ondoren galdera-txanda labur batekin
jarraiturik eta multzo bakoitzeko azkeneko eztabaida batekin bukaturik.
Saio tradizionala proposatzen duen pertsonak, saio beraren koordinatzaile bihurtuko da eta parte-hartze
egileekin harremanetan jartzeko ardura hartuko du, jardunaldien aurretik,
bitartean eta ondoren.
Proposamen desberdinak gauzatzeko, posta
elektroniko honetara (secretariajia2014@gmail.com) eta erreferentzia bezala "saio tradizionala" +
saio-arduradunaren IZENA idatziz, hurrengo dokumentazioa bidaltzea beharrezkoa
da:
- Azalpen zehatza (gehienez 1000 hitz), non motibazioak eta saioaren antolaketarako helburuak argudiatzen diren. Proposamena aukeratzekotan, hau deskribapena eta komunikazio-deialdia bezala balio duen testua izango da, beraz, tonu argi eta adierazkorra iradokitzen da.
- Datu pertsonalak eta saioa koordinatzeaz arduratzen diren pertsonetako kide izate instituzionala: izena, deiturak, posta elektronikoa, helbidea eta kontaktu-telefonoa.
- Saioan parte-hartzeko interesa egiaztatu duten ikertzaileen zerrenda. Zerrenda honetan ageri diren pertsona guztiak galdetuak izan behar dira saioan izango duten parte-hartzeari buruz.
- MAHAI-INGURUAK:
Saio-mota honetan eztabaida-gaiak proposatuko dira puntu batzuen edota koordinatzaileek
ezarritako eskemen bitartez koordinatuz. Batzorde antolatzaileak mahai-ingurua
onartu ondoren, koordinatzaileek jasoko dituzte aurkeztutako gaiaren inguruan
ikuspuntu desberdinetatik eztabaidatzeko parte-hartze proposamenak (sei
proposamen inguru). Proposamen
hauek jasota, behin-betiko gidoi bat
egingo da hasierako
proposamena jarraituz eta jaso diren ekarpenen laburpena gehituz. Gidoi hau, gehienez 2000 hitzetakoa, jardunaldi
dataren 15 egun baino lehen, web ofizialean eskegiko da, guztiok jakin dezaten
zer eztabaidatuko den mahai-inguruan. Mahai-inguru
hauen garapena koordinatzaileen edota egile desberdinen parte-hartze labur batean
(gehienez ordu erdikoa) etzango da, mahai-ingurua eta jasotako proposamenen
laburpena aurkeztuz. Berehala planteatutako puntuak eztabaidatuko dira mahai-inguruko
parte-hartzaileen eta ikusleen aldetik. Azkeneko hamar minutuetan
koordinatzaileak ondorioak aurkeztuko ditu, ideia nagusiak jasoz.
Mahai-ingurua
proposatzen duen pertsonak, saio beraren koordinatzaile bihurtuko da eta parte-hartze
egileekin harremanetan jartzeko ardura hartuko su, jardunaldien aurretik,
bitartean eta ondoren.
Proposamen desberdinak gauzatzeko, posta
elektroniko honetara (secretariajia2014@gmail.com) eta erreferentzia bezala "mahai-inguru" +
mahai-arduradunaren IZENA idatziz, hurrengo dokumentazioa bidaltzea
beharrezkoa da:
- Eztabaida-gaia laburtzen duen izenburua.
- Gaiaren azalpen zehatza (gehienez 1000 hitz), ikuspuntu teoriko edota metodologikotik hartuta; hau guztia mahai-inguruan eztabaidatuko diren galderen gidoi batez (gutxienez 5 galdera) lagunduta.
- Datu pertsonalak eta saioa koordinatzeaz arduratzen diren pertsonetako kide izate instituzionala: izena, deiturak, poste elektronikoa, helbidea eta kontaktu-telefonoa.
- Mahai-inguruan parte-hartzeko interesa egiaztatu duten ikertzaileen zerrenda. Zerrenda honetan ageri diren pertsona guztiak galdetuak izan behar dira saioan izango duten parte-hartzeari buruz.
ESKARIAK eta IRADOKIZUNAK
Antolaketa lana errazteko asmoz, eskari eta
iradokizun batzuk ditugu proposamenak burutzeko:
Lehendabizi, proposamenen harrera epearen barruan
gai bereko proposamen desberdinak jasotzen badira, harremanetan jarriko
lirateke koordinatzaileak, proposamenak bateratzeko saio bakar batean, saioa
ahalik eta interesgarrien egiteko asmoz.
Bigarrenik, komunikazioen denbora samar aldatuko
da komunikazio parte-hartzaileko kopuruaren arabera; hurrengo zirkularrean
erraztuko den datua, besteak beste. Koordinatzaileek parte har dezakete
aurkezten duten saioan, baina ezin dute gainerako komunikatzaileei ezarritako
denbora-muga gainditu.
Lehen zirkular honekin hurrengo 2014ko AIG-etarako
bidea hasiko dugu, non guztiok ongi etorriak izango zareten!
Edozein
zalantza izatekotan idatzi hurrengo posta elektronikora secretariajia2014@gmail.com
edota sartu hurrengo web-orrian: jia2014eus.blogspot.com.es
Lehen zirkularra deskargatzeko, sakatu hemen
Lehen zirkularra deskargatzeko, sakatu hemen
Vitoria-Gasteizen, 2013.eko
urriaren 1a
No hay comentarios:
Publicar un comentario